On webgunearen lehen hilabeteak
Kasik hiru hilabate pasa dira On.eus webgunea sortu zenetik. Fite pasa dira egunak irailean antolaturiko prentsaurreko hartatik. Aste guzti hauetan zehar, webgunea Ipar Euskal Herriko leku txikietara iristen hasi da. Horren erakuslehio izan da, konektatu den jende kopuru anitza. Webgunearen erabilera azaltzeko hainbat elkarrikezta eta saio egin izan dira, berritasun hau nola erabili jakiteko. Digitaletik fisikora ere pasa da On!Piztu, Lurraman egonez adibidez, elkartearen eta webgunearen berri emanez, jendea ezagutuz, euskara piztuz.
Rikardo Arregi saria
Eta hori gutxi balitz, azaroaren 26an Andoainen urtero antoltzen den Rikardo Arregi komunikazio saria On.eus-ek irabazi du, hori bai berri ona! Baina zer da Rikardo Arregi saria?
Andoaingo udalak urtero antolatzen duen sari banaketa da, Rikardo Arregi kazetariaren omenez. Sari hauen helburua, euskarazko kazetaritzaren eta komunikazioaren kalitatea bultzatzea da. Horrela, urtero, komunikazioko sariduna egoten da, eta beste bat kazetaritzakoa. Bi sari horietaz gain, ohorezko mugarria ere banatu egiten da urtero. Aurten, Jakoba Errekondok jaso du ohorezko mugarria, Bizi Baratzea proiektuan aitzinera eraman dituen lanengatik. Kazetaritza saria Jenofa Berhokoirigoinek eskuratu du, artzaintzari buruz egindako erreportajeagatik. Komunikazio saria berriz, on.eus-ek jaso du. Ipar Euskal Herrira beraz, euskaraz komunikatzeko bultzada.
Webgune jaio berria izan arren, indarrez eta mezu positiboz datorren ataria dugu on.eus. Argi dago urtea bukatu eta berria hasteko bultzada positiboak izan direla webgunea elikatzen eta euskaraz pizten segitzeko!
