Mintzalasairen 15. edizioaren karietara, Mintzalasai eta ON! elkarlanean aritu dira 5 lexiko berrargitaratu eta zabaltzeko.
Hizkuntza batek biziraun dezan, bizitzaren eremu guztietara hedatu behar du. Ideia hori abiapuntutzat hartuta, funtsezkoa da era guztietako gaiez euskaraz mintzatu ahal izatea.
Horretarako, sakelako hiztegiak euskarri ludiko eta pedagogiko ezin hobeak dira.
Hainbat funtzio betetzen dituzte:
Gomita dira hasi berrientzat, hitz berriak deskubritu eta hiztegia aberasteko,tresna dira ikasten ari direnentzat, hiztegia lantzeko eta hobetzeko,
- bide dira euskaldunentzat, eguneroko elkarrizketak aberastu eta hitz berriak txertatzeko.
Gomita dira hasi berrientzat, hitz berriak deskubritu eta hiztegia aberasteko,Kontatzeko zerbait
- Lexiko hauek talde-lanaren emaitza dira, eta helburua nagusia euskarazko hizkera familiarra garatzea eta aberastea da.
- Baina hitz-zerrenda hutsetik harago doaz: gure jendarteaz eta bizi dugun garaiari buruz ere zerbait kontatzen dute. Horregatik, merezi du lexikoekin batera argitaratutako editorialak irakurtzea.
- Izan ere, 2012az geroztik Mintzalasai proiektuaren bidez zabaldu nahi den mezua islatzen dute, eta proiektuaren oinarrian diren ideiak eta aldarriak jasotzen dituzte.
5 lexiko ezberdin
1) Besta: Hiztegi honek erakusten du euskara uste baino eskuragarriago dela, eta edonork edaria edo jatekoa euskaraz galda dezakeela.
2) Kokinkeriak: Euskara logelako intimitatean (edo larrua jotzeko beste edozein eremutan) ere bizi behar duen hizkuntza baita.
3) Irainak: Euskarazko irain eta hitz larrien bilduma da. Bertan aurkituko duzu, gainera, zure diatriba eraikitzeko metodo berri bat.
4) Ingeleskadak: Gure hiztegian gero eta gehiago sartzen ari diren anglizismoen ordezko aukera bat.
5) Neologismoak: Euskara hizkuntza bizia delako, egokitzen delako, berritzen delako eta hizkuntza-ausardia erakusten duelako.
Lexiko hauek kopuru handitan eskura daitezke eskaera soil batekin. Edo deskarga librean:
Baduzu zure bilduma osoa?
ON! Piztu Mintzalasaiera animatzen da, eta zu?
2026an, Mintzalasaik bere 15. edizioa ospatuko du. Irailaren 21etik 27ra, euskarari eta euskaraz bizitzeari lotutako hainbat hitzordu eta ekintza izanen dira. Beste behin ere, hiria euskaraz bizitzeko eta harremanak euskaraz sortu eta sendotzeko gune bilakatuko da.
Edizio honen inguruko informazio guztia Mintzalasai-ren webgunean aurki daiteke. Hemen klik eginez, egitarau osoa kontsultatu ahal izanen da, baita ekimenaren laguntzaile izateko aukerak eta bestelako xehetasunak ere.
ON! Piztu ere Mintzalasai-ren 15. edizioan presente izanen da. Irailaren 27an, 10:30etik 13:00etara, erakusmaha bat atxikiko du. Parada izanen da elkartea ezagutu eta denetariko galderak pausatzeko!
Informazio gehiago eskuratzeko
