Etxeko familia giroan, karrikan, ikasgelan, gau eskolan edo autodidakta moduan euskaldundu zaretenek, zuen beharretara egokitutako eduki ugari aurkituko dituzue hemen.
Ipar Euskal Herrian, 51.500 pertsona inguruk euskaraz ulertu eta hitz egin dezakete.
Hori da biztanleriaren %20 inguru. Hala ere, desberdintasun handiak daude lurraldeen eta adin-taldeen arabera.
Behar bereziak
Hizkuntza gutxitu baten testuinguruan, ez da beti erraza egunerokoan euskaraz bizitzea.
Lurraldean bizi diren hizkuntzek ez dute estatus, prestigio eta trataera bera.
Horregatik, euskarari uko egiten zaio frantsesaren probetxuko, solaskidea ezagutzen ez denean, ohiturak tartean daudenean edo gaiak teknikoak direnean.
on.eus webguneak baliabide praktiko ugari eskaintzen dizkie euskaraz bizi nahi dutenei:
Artikuluak
hizkuntza ohiturak aldatzeko, hizkuntzen arteko dinamikak ulertzeko, euskara ikasten dutenekin hobeki jokatzeko…
Aholku praktikoak
ohiko kezkei buruz, hala nola euskara batua eta euskalkiak, estres linguistikoa saihesteko trukoak, gure buruak prestatzeko moldeak…
Baliabide egokituak
filmak, jokoak, musika, podcastak… lotura zuzenak euskaraz une goxoak pasatzeko.
Eta gainera
euskarazko hitzorduen agenda eguneratua, eragile linguistikoen aurkitegia, bideoak, informazio liburuxkak…
Pedagogia ariketa bat
Eduki berriak erregularki argitaratuko dira. Horretarako, arlo horretan ari diren elkarte eta instituzio publikoekin hurbiletik lan egingo dugu: euskaltegiak, didaktikariak, mediatekak, herriko etxeak…
Maila edo ohitura eskasagatik euskaraz irakurtzeko ohitura ez dutenentzat, artikulu batzuk euskara errexean berridatziak izan dira. Piktograma segituz, bilduma eskuragarri bat atzemanen duzu.
Bestalde, zuk ere webgunea hobetzen ahal duzu, zure galderak pausatuz, edukiak proposatuz edo zure iritzia bidaliz. Azkenik, ON! sare sozialek tonalitate arinago batean webgune horretan lantzen duguna hedatuko dute; plataforma nagusietan atzemanen gaituzu.
Gaur egun ere, euskaraz bizitzea borondate baten emaitza da. Gure esku dago bizitza-aukera hori naturalagoa, atseginagoa eta inspiratzaileagoa bihurtzea. ON! Pizten gaituena.
