Duela 35 urtetik hona, bost urtez behin bezala, inkesta soziolinguistiko bat egiten da euskararen lurralde guztietan: Euskal Autonomia Erkidegoan, Nafarroan eta Ipar Euskal Herrian.
Aurten, beraz, inkesta honen VIII. edizioa izango da, eta ekainaren 8tik aurrera hasiko da.
Inkesta soziolinguistiko bat, zertarako?
Gure lurraldean euskararen bizitasunaren egoera erregularki neurtzeko (nork daki euskaraz? Zein testuingurutan erabiltzen da? Nola transmititzen da?), eta bilakaera erregularki aztertzeko eta euskararen alde garatzen diren politika publikoak bideratzeko.
Nola egiten da inkesta?
Ipar Euskal Herriko 2.000 biztanleko lagin adierazgarri bati telefonoz erantzuteko gonbita egingo zaio, hamabost minutu inguruko galdetegi bati erantzunez.
- Aurten, COHDA institutua arduratuko da dei-kanpaina obratzeaz.
- Parte-hartzaileek euskaraz edo frantsesez erantzuteko aukera izango dute.
- Inkestan parte hartzeko aukeratua izanez gero, honako telefono zenbaki honetatik deituko zaizu:
05 19 09 01 64
Beraz, zenbaki hori zure telefonoan agertzen bada, ez da eguzki-plakak saltzeko! Zure laguntza behar dugu euskararen oraina eta etorkizuna zein izanen den neurtzeko!
Galderarik izanez gero, EEPrekin harreman jar zaitezke: 05 59 31 18 34 telefono zenbakian edo helbide honetan: eep-oplb@mintzaira.fr
